banner

Leitbild vun dat Amt Trave – Land mit siene 27 Gemeenden twischen Woolden, Seen und Trave

Dat Amt Trave-Land is freewillig ut de beiden Ämter Segeberg-Land un Wensin entstahn. Un för de tokamen Arbeid in dit niege Amt is en Leitbild ingang set worrn. Dormit schüllt de gemeensamen Zielvörstellungen vun dat Ehren- und dat Hauptamt düütlich maakt warrn. Uns Leitbild schall en Brüüch sien twischen de Inwahners, dat Ehrenamt un dat Hauptamt. Vun´n Grund op lett sik sien Inholt in söben Leitideen tohopen faten.

Uns Ziel sünd tofredene Inwahnerinnen un Inwahners
Wi sünd en Deenstleistungsünnernehmen, dat wirtschaftlich arbeiden deiht, un wi sehn uns as Deenstleister för unsere Inwahnerinnen un Inwahners. Deenstleistung heet för uns, dat wi unse Inwahnerinnen un Inwahners so goot as dat blots irgend geiht beraden doot. Dat wat se uns op´n Schrievdisch leggen doot, wüllt wi sachgerech un schnell bearbeiden. Dormit wi dor uk henkamt, wüllt wi uns egalweg verbetern un wat dorto lehren. Mit dat Internet un annere moderne Medien wüllt wi för enen bestmööglichen Dörchblick un för ene gode Informatschon sorgen.

Wi behannelt alle Minschen, de to uns kaamt, gliek
Wi sünd en lütte Verwaltung, de aver bannig wat toweeg bringen deiht. Wi sünd dorüm ok in de Laag, op de Lüüd totogahn un unse Deenstleistungen börgernah antobeden.

Wi stütten de Egenständigkeit vun unse Gemeenden
För uns is de Egenständigkeit vun uns Gemeenden ein hoges kommunalpolitisches Goot. Wi stütten un sichern de politische, soziale un kulturelle Egenständigkeit un dat Egenverantwoorden vun uns Gemeenden för en godes minschliches Miteenanner. Wi helpt unse sülvststännige Gemeenden uk dormit wieder, dat wi egalweg de ehrenamtliche Arbeit verbedern doot. Wi wüllt bannig dorbi helpen, de Fruuns- und Mannslüüd, de in uns Gemeenden ehrenamtlich arbeiden doot, so goot as dat irgend geiht dörch ene vullstännige Ut- und Wiederbildung to föddern. Unse Entscheidungen, de wi op de Saak betrocken un över Partei- und Gemeendegrenzen hinweg drapen doot, richten sik na dat Gemeenwoll. Dörch de Fusion vun de beiden Ämter sünd wi starker worrn; un disse Kraft wüllt wi för unsen ländlichen Ruum insetten.

Wi stütten opentliche und private Tosamenarbeit
Op de Grundlaag vun ene gemeendliche Egenständigkeit stahn wi för ene private un opentliche Tosamenarbeit in, aver dat mutt alltiet freewillig sien. Wi plegen en godes Miteenanner mit all de Gremien, de in uns Region Verantwoorden drägen und Entscheedungen drapen doot. De betherige gode Tosamenarbeit bi den Buu und den Bedrief vun ene Sporthall, vun Kinnergoorns, vun Ver- und Entsorgungsinrichtungen, vun Schoolen un bi de Füerwehr stimmt uns toversichtlich, un wi wüllt na wiedere Mööglichkeiten vun ene Tosamenarbeit söken un se uk föddern. Wi staht uk in för ene Verlagerung vun Opgaaven, dormit se beter un besünners wirtschaftlich erledigt warrn köönt. Besünners stütt wi gemeennützige Initiativen.

Ehren- und Hauptamt verstahn sik as Eenheit
Blots wenn Ehren- un Hauptamt an en´n Strang trecken doot, warrt wi den bestmööglichen Erfolg un Winn tostann bringen köönen. Wi mütt uns bi unse gemeensame Arbeit egalweg gegensietig helpen. Wi stütten alle Vörsorg, de Vertruun bringen doot. Strietpunkte warrt Oog in Oog un mit gegensietigen Respekt utdragen. De besünneren Eegenschaften un Anlaagen vun dat Ehren- un Hauptamt wüllt wi gemeensam för unse Inwahnerinnen un Inwahners insetten. Dat wat wi weten doot, wüllt wi uk anner Lüüd togänglich maken. De ehren- und hauptamtliche Arbeit bringt wi nich blots in de regelmatigen Deenst-Tieden toweeg.

Unse Rahmenbedingen för de Tosamenarbeit
Wenn dat Hauptamt wirtschaftlich un goot utstatt is, denn hebbt uk all de annern wat dorvun. Hen na dat Ziel wüllt wi dordörch kamen, dat wi as en Team op de Saak betrocken denken un hanneln doot. Bi de Team-Arbeit schall gelten, dat man ümmer dat Ziel in´n Oog hett; se mutt för jeden de Eegenmotivation stütten un uk dorför sorgen, dat all tohoop egene Ideen inbringen doot. Wenn mööglich, löst wi de anfallenden Opgaven so, dat glieks to Anfang dat Ziel beschnackt un fastleggt warrt. Wi bekennt uns to ene klore Leitungs- un Führungsstruktur. Gemeensam wüllt wi för en angenehmes Arbeitsklima sorgen.

Wi sett unse Finanzmiddel mit Weten üm dat Verantwoorden in
Unse Deenstleistungen erledigt wi so, dat mit de uns anvertruuten Finanzmiddel för unse Inwahnerinnen un Inwahners de bestmöögliche Nütten entsteiht un de Kosten sik in Grenzen holt. In unse 27 Gemeenden wüllt wi Grundlaagen för en angenehmes Leven schapen. Wi wüllt vör uns soziales Verantwoorden nich weglopen. Unse Laag twischen Woolden, Seen un de Trave seiht wi uk as en Plicht, besünners den Schutz un den Erholt vun uns Landschop in unsen Amtsbereich in´n Oog to hebben.

Wi maakt uns Gedanken doröver wie wi de Amtsverwaltung verbetern köönt
Wi sünd dorför, dat de Sleswig-Holsteensche Ämterverfassung, de sik as goode Saak bewiest hett, bibeholn warrt. Op de Grundlaag vun disse Organisationsform wüllt wi niege Strukturen vöran drieven. Besünners wüllt wi versööken, solke Opgaaven dörch de Amtsverwaltung to föddern, de mehrere Gemeenden angahn. Unse soziale und fachliche Sakenkünnigkeet wüllt wi dordörch egalweg verbetern, dat unse Mitarbeiderinnen un Mitarbeiders individuell föddert warrt un sik schoolen doot. Wi wüllt uns an unsen Erfolg un uk doran meten laten, wat annere Verwaltungslüüd op de Been stellen doot. Dat is klor, dat wi an ene egenständige Verwaltung in zentraler Laag fastholen doot.